jueves, 19 de diciembre de 2024

RECOMENDACIÓN LECTURA NADAL 2024

 Chega o Nadal, 

                  chega o tempo de descansar, 

                                            pasar o tempo en familia, 

                                                                            ler e conversar. 

Nas datas máis entrañables do ano para compartir e pedir os mellores desexos para todos, o equipo de biblioteca escribe a súa carta aos Reis Magos, esperamos que vos axude a redactar a vosa.


RECOMENDACIÓN NADAL 2024



O equipo de biblioteca deséxavos BO NADAL 
Vémonos no 2025.

martes, 10 de diciembre de 2024

CLUB LECTURA LENDEIROS



MARATÓN DE LECTURA 

                                         


    O pasado 27 de novembro, coincidindo coa semana do aniversario de Eugenio Granell (28 novembro) e Amparo Segarra (9 decembro), tivo lugar no Pazo de Bendaña, o tradicional Maratón de Lectura, que forma parte das actividades de promoción e apoio á literatura da Fundación.


    Nesta ocasión a Fundación Eugenio Granell dedica o Maratón de Lectura ao libro de contos de Eugenio Granell “Federica no era tonta y otros cuentos”. Publicado en México, 1970 e reeditado en Madrid, 1993, tralo retorno de Granell a España. O libro contén dez pezas narrativas que Eugenio Granell creou ao longo dos seus anos de exilio en América.

 

     Este ano o noso centro estivo representado por algúns participantes do Club de Lectura LENDEIROS, composto por nais e pais do alumnado do centro. 





Todas as participantes no evento valoran a experiencia como moi interesante tanto pola propia vivencia ao ter que ler para un público como a experiencia de lectura compartida con persoas de grupos moi heteroxéneos como os mozos e mozas dun centro escolar, un grupo de xubilados, membros da Fundación Down Compostela e elas como nais. Chamoulles a atención como resulta moi emocionante escoitar as diferentes formas de interpretación dun mesmo texto.

jueves, 5 de diciembre de 2024

RETO LECTOR

 Decembro: mes dos clásicos literarios.



Descubre os clásicos literarios xuvenís, autores, siluetas, logos....
Investiga e elixe o que máis se adapte ao teu gusto lector. 






Cantos coñeces? Poderías ampliar a lista?
Comparte o teu clásico favorito nos comentarios...


CLUB LECTURA "LENDEIROS"

 RECIBE A VISITA DE
BEATRIZ GARCÍA TURNES

O club de lectura "Lendeiros" composto por pais e nais do alumnado do centro participou na  sesión de decembro onde recibiu a Beatriz García Turnes, autora do libro proposto como lectura de novembro. 
Comando Sintrom é un libro de relatos onde encontramos un rico mosaico de personaxes femininas que se atopan no final da súa vida.
A autora presenta mulleres actuais que a pesar da súa idade se adaptan aos novos tempos.
Todos os participantes concordaron en que foi una lectura amena, con toques de humor e unha carga emotiva porque moitas protagonistas lembraron ás mulleres maiores do seu entorno.

lunes, 4 de noviembre de 2024

RETO LECTOR

 NOVEMBRO, MES DA CIENCIA



Os nenos sodes curiosos por natureza e a ciencia alimenta esa curiosidade.  Seguro que na biblioteca atopas algún libro que sexa interesante.
 Ciencia e tecnoloxía, o sistema solar, iniciación á física,  o corpo humano, as matemáticas...
 
¿Gústache experimentar? Tamén atoparás  libros con actividades sinxelas  pero fascinantes.
Acepta o reto deste mes e deixa nos comentarios a túa recomendación.

martes, 8 de octubre de 2024

RETO LECTOR

A nosa árbore da lectura foi testemuña da entrega de premios aos alumnos/as que superaron o reto lector do curso pasado. Este acto marca o punto de partida do curso 2024-25.

                                                       

O alumnado de 5º e 6º enfróntase ao reto de ler, como mínimo, un libro cada mes durante este curso. A árbore da lectura que preside o seu corredor actuará de medidor das lecturas e de indicador da temática de lectura seleccionada para cada mes. Despois de ler, os lectores/as realizarán a recomendación do seu libro no blog, sellarán o seu carné lector e decorarán unha flor que medirá o seu ritmo de lectura. 

                                                       

Esperamos que na primavera do 2025 a nosa árbore estea ben florida. 

Moito ánimo a todos!!

viernes, 4 de octubre de 2024

PRESENTACIÓN DO CURSO 2024-25

 Comeza un novo curso e volvemos con moita ilusión.

Durante o mes de setembro o equipo de biblioteca traballou arreo para deixala ben bonita e deseñar unha morea de actividades. Esperamos que sexan do voso agrado. 

Preme no enlace e descobre toda a programación da biblioteca. 

                                            PROGRAMACIÓN DO CURSO 2024-25