Unha aventura de enxeño e traballo en equipo
Ao longo deste curso escolar, dende a biblioteca do centro organizouse a actividade “Adiviña do Día”, dirixida ao alumnado de 1º e 2º de Educación Primaria.
Os nenos e nenas que quixeron participar apuntáronse ao concurso e organizáronse en equipos de tres integrantes. Durante unha semana de cada trimestre, os equipos atopaban cada día no seu corredor unha adiviña que debían resolver. As respostas anotábanse nunha ficha de participación e, segundo os acertos conseguidos, íanse sumando puntos para cada equipo.
.jpeg)
Esta actividade permitiu que o alumnado puxese a proba o seu enxeño, a súa capacidade de observación e o traballo cooperativo, ademais de compartir momentos de diversión cos seus compañeiros e compañeiras.
Unha vez rematadas as tres fases do concurso, realizouse o reconto final das puntuacións. O equipo que acadou a maior puntuación ao longo de todo o curso foi o gañador desta edición de “Adiviña do Día”.
Para coñecer o resultado, todo o alumnado participante reuniuse na biblioteca, onde se anunciou o nome do equipo vencedor e se realizou a entrega do premio. Foi un momento moi especial no que se recoñeceu o esforzo, a constancia e a ilusión de todos os participantes.
Desde a biblioteca queremos felicitar a todos os nenos e nenas que formaron parte desta iniciativa e agradecer a súa implicación. Agardamos repetir esta experiencia o vindeiro curso e seguir gozando xuntos dos retos e aprendizaxes que nos ofrecen as adiviñas.
.jpeg)
.jpeg)
.jpeg)
