ACTIVIDADE DO MES DE XANEIRO

 APADRIÑAMENTOS LECTORES

                        

Ao longo do mes de xaneiro a biblioteca acolleu unha das actividades máis agarimosas  protagonizadas polo noso alumnado, os apadriñamentos lectores.

Os pequenos de infantil e 1º ciclo son apadriñados polos seus compañeiros de primaria. Tras un encontro de presentación, os padriños elixiron entre os fondos da biblioteca o conto máis apropiado para os seus afillados e prepararon con moita ilusión a sesión de contacontos personalizada.

Deixamos unha selección de fotos cos momentos máis entrañables.

Afillados/as de Infantil cos seus padriños de 4º de primaria

        

                               

    

       

   

Padriños de 3º primaria con afillados en  Infantil

          

5º primaria  apadriñou a 1º  de primaria

  

2º de primaria foi apadriñado por 6º de primaria

RETO LECTOR

 FEBREIRO -  MES DA NATUREZA

Para o mes de febreiro propoñemos lectura relacionada coa natureza, o respecto polo medioambiente  ou o coidado da casa común. Podedes elixir unha obra narrativa que trate algún deses temas ou un libro da sección 5: ciencias naturais.

Deixamos a continuación algunha suxestión que podedes atopar na biblioteca do centro.

         

Xa sabedes, despois da lectura, deixade a vosa recensión nos comentarios desta entrada e solicitade ao voso profesor/a de lingua galega o selo para o voso carné e a folla para  que a nosa árbore siga medrando. 

ANIMACIÓN LECTORA E. INFANTIL

AS VISITAS DOS MÁIS PEQUES Á BIBLIOTECA

                                        

O alumnado máis cativo do centro comezou neste mes de xaneiro as súas as sesións de animación lectora que lle ofrece a biblioteca do centro.

Durante o segundo e terceiro trimestre, en sesións quincenais, os máis pequenos do cole poderán descubrir todos os tesouros que agocha o recuncho infantil da biblioteca. 

Unha chea de personaxes agardan por eles escondidos polos andeis da librería. Poderán escoitar as súas historias ou atopalos abrindo as páxinas dos contos.

Unha magnífica oportunidade para mergullarse no marabilloso mundo da lectura e convertirse en grandes lectores.

CLUB LECTURA PRIMARIA

Empezamos o ano coa visita de Rosa Aneiros

Despois de viaxar ao Cretáceo durante as vacacións de Nadal e vivir moitas aventuras cos dinosaurios, o alumnado do club de lectura Lectores S.A. recibiu a visita de Rosa Aneiros,  autora do libro Catro plumas de dinosauro. Foi unha tarde moi divertida e interesante. Da man de Rosa descubriron como foi a elaboración do libro e aprenderon estratexias de escritura.

Moitas grazas pola túa visita, Rosa!

RETO LECTOR

O alumnado de 5º e 6º acepta o reto. 

                                Cada mes recibirán unha proposta de lectura. 

              Conseguirán que a árbore literaria luza frondosa esta primavera? 

                                                            

 Neste mes de xaneiro a proposta é elixir un libro, pode ser o agasallo dos Reis Magos, un libro que haxa na casa ou pódese pedir na biblioteca do colexio.

Despois de facer a lectura, realizaremos a nosa recensión no blog, nos comentarios desta entrada e pediremos a folla verde que agrome na póla e o selo para o noso carné.

 Xa podes comezar!

ESCAPEROOM CIRCO VINTAGE CLUNY 2º ESO

         ESCAPEROOM CIRCO CLUNY

No tengas miedo. Si has estado atento en clase (2º ESO) y tu equipo se organiza bien, podrás resolver las cuatro misiones sobre alguna sencilla cuestión aprendida en clase de Lengua. Suerte!

INTRODUCCIÓN ESCAPEROOM CIRCO

ESCAPE CIRCO VINTAGE (creada a partir de un modelo de Genial.ly)

ESCAPE CIRCO VINTAGE CLUNY EN GENIAL.LY