FAMILIAS ADOLESCENTES

 CHARLA- COLOQUIO 

Dentro do programa Lectura e Familias das Bibliotecas Escolares, organízase un obradoiro-coloquio para pais e nais de fillos adolescentes, así como para calquera outro membro da comunidade educativa que queira aprender novas formas de abordar os conflitos cos/as adolescentes

 Mércores 14 de decembro

17:45 ás 19:15 h

Biblioteca do colexio

Para participar na actividade e poder organizala mellor, é preciso confirmar a asistencia, enviando un correo á secretaría do centro, ata o luns 12 de decembro (incluído).

Animádevos a participar!!

Carapuchos abelleiros 2022

 Entrega de premios

Os gañadores da presente edición do concurso achegáronse á tenda A Cesta da Saúde,  na mañá do 7 de decembro recoller o seu tarro de mel. Os carapuchos deseñados polos rapaces decorarán os tarros da produción de mel desta tempada.

Tamén probaron os traxes de apicultor que utilizarán na primavera para visitar ás súas afilladas, as colmeas que posúe Xosé Manuel. 

Xa podemos mercar a mellor e máis saudable vacina contra a gripe deste inverno: o mel. Agradecemos a Xosé Manuel á súa colaboración e aos alumnos a súa creatividade.

Gañadores Concurso Carapuchos Abelleiros

  VII EDICIÓN DO CONCURSO "CARAPUCHOS ABELLEIROS"

FALLO DO XURADO

O xurado  do concurso "Carapuchos Abelleiros" reuniuse o mércores 30 de novembro. Este ano os alumnos esmeráronse na elaboración dos deseños artísticos e das frases alusivas polo que conseguiron que a decisión fora moi complicada. De feito , na categoría de 6º EP non foron quen de elixir un gañador e decidiuse entregar un premio compartido.

Os galardoados son:

MATEO                                                     VALERIA                                    VALENTINA

PEREIRA MOREIRA                               GONZÁLEZ PEREIRA               FERNÁNDEZ  CEINOS              1º EP                                                      2º EP                                          3º EP

LAURA MÉNDEZ MENDOZA                                             DANIEL MARTINÓN FERRERO

4º EP                                                                                                                             5º EP

ALBA LAGE RODRÍGUEZ                              6º EP                 UXÍA IGLESIAS OTERO

O premio, que consiste nun tarro de 1Kg de mel, será recollido polos gañadores o próximo mércores na tenda de Xosé Manuel: "A cesta da saúde".

A visita ás colmeas realizarase na primavera, cando as abellas estean en proceso de produción.

En hora boa a todos os premiados!!

Arrancan os clubs de lectura!!

Este mércores 9 de novembro comezou a actividade dos clubs de lectura do noso alumnado. Tras unha divertida presentación, cada club elixiu o nome e logo que os identificará ao longo do curso. 

Despois  descubriron a proposta de lectura para este mes:

Desexámoslles unha feliz lectura!!

LINGUA GALEGA 4ºEP

Clase de lingua con profesores de excepción

Os alumnos de 4º de primaria tiveron a súa clase de lingua galega do venres 28 de outubro na biblioteca do centro. 

Traballaron sobre as celebracións do outono en Galicia como o  Samaín, Todos os Santos e os Magostos. 

A sesión foi dirixida por uns profes de excepción: os avós dalgúns compañeiros que moi amablemente aceptaron a invitación para contar como era a súa infancia.  

Descubriron as tradicións de Ourense, Xinzo de Limia, Porto do Son e Lira. Tamén coñeceron como era a noite das Almas Blancas, na víspera de Todos os Santos, en Mogarraz (Salamanca) pobo natal dun dos avós que nos visitaron 

Compartiron moitas lembranzas: tocar as campás, visitar os cemiterios, recoller castañas e asalas nas lareiras, os xoguetes que elaboraban eles mesmos, a escola, o seu traballo de pastorear vacas sendo uns raparigos...

Tamén animaron aos rapaces a valorar o que teñen na actualidade e aproveitar as oportunidades que a vida lles está ofertando. 

Toda unha lección!!

CARAPUCHOS ABELLEIROS

 CLUNYTEKA CONVOCA 

 VII EDICIÓN DO CONCURSO "CARAPUCHOS ABELLEIROS"

Día das Bibliotecas 2022

 

Dende 1997 celébrase o Día das Bibliotecas o 24 de outubro,  unha conmemoración impulsada pola Asociación de Amigos del Libro Infantil y Juvenil á que se foron sumando, xa dende hai algún tempo, o propio Ministerio de Cultura e todas as administracións autonómicas.

 

A Dirección Xeral do Libro e Fomento da Lectura, a través da Subdirección Xeral  de Coordinación Bibliotecaria, impulsa a celebración do Día das Bibliotecas, este 24 de outubro de 2022.  A edición deste ano, baixo o lema “BiblioTEcuida”, céntrase en destacar o papel das bibliotecas de diferente tipoloxía como espazos libres e abertos que, a través dos seus diversos servizos e recursos, preocúpanse por atender as necesidades dos seus usuarios. As bibliotecas están abertas a toda a cidadanía e son un piar fundamental ao servizo das comunidades ás que pertencen."

 

As bibliotecas escolares galegas amosáronse, e continúan facéndoo, como unha ferramenta ao servizo da comunidade educativa ofrecendo recursos, información e apoio. Cómpre reivindicalo e celebrar que son xanelas para ler, espazos onde aprender e lugares para descubrir.

 

Este curso, o lema das bibliotecas escolares de Galicia  ESCRIBIR A BIBLIOTECA ESCOLAR ,   quere poñer o foco en todas as formas de escrita que coida e ofrece a biblioteca escolar. A escrita como medio de comunicación, expresión, creación, información e coñecemento.  

Clunyteka, a nosa biblioteca, reabre as súas portas á toda a comunidade educativa. Tras os cambios sufridos  polo confinamento e o uso da sala para unha aula, o equipo traballa arreo no expurgo e reorganización. Hoxe, Día das Bibliotecas  presentamos as primeiras actividades nesta nova andaina: o blog, o préstamo,  ás bibliotecas de aula, as mochilas viaxeiras e os clubs de lectura.