Homenaxe

 

CLUNYTEKA HOMENAXEA A EL HEMATOCRÍTICO

O alumnado de 1º ciclo, na súa cita semanal na biblioteca, recordou ao recentemente falecido Miguel López “EL HEMATOCRÍTICO”. Descubriron os seus libros na biblioteca e coñeceron algún dos seus personaxes nunha sesión de contacontos dirixida por tres compañeiros da ESO, membros do equipo de voluntarios da biblioteca.

Quédanos a pena da súa marcha e a ledicia de contar con todos os seus personaxes na nosa biblioteca.

AXUDANTES DA BIBLIOTECA COMEZAN A CATALOGAR

HOXE OS AXUDANTES DA BIBLIOTECA COMEZARON A CATALOGAR E AXUDAR NA COLOCACIÓN DOS LIBROS

Temos uns axudantes imposibles de igualar! 

Hoxe estes nenos/as axudantes emprenderon a viaxe da Clasificación Decimal Universal levados da man da profesora Emma, Coordinadora da Comisión da Biblioteca. En poucos minutos aprenderon a catalogar os libros no Programa Meiga e a colocalos no lugar axeitado aportando unha axuda inestimable á Biblioteca do Centro. Grazas, rapaces, sodes unha inspiración para nós!

COMEZAN A TRABALLAR OS AXUDANTES DA BIBLIOTECA

¡Vaia equipazo que temos na Biblioteca! Hoxe comezamos co grupo de alumnos AXUDANTES DA BIBLIOTECA ESCOLAR e asegúrovos que estes nenos prometen moito! Despois de explicarlles a Clasificación Decimal Universal (CDU) traballaron a reo para catalogar, selar e colocar un bo número de libros. Aínda queda moito por facer, pero pouco a pouco imos dando pasiños e con estes axudantes de categoría o traballo é moito máis levadeiro! Que orgullosos estamos deles!