LETRAS GALEGAS 2024

 

                                       

CoIncidindo coa data do día do libro: 23 de abril, San Xurxo, os dous grupos de 5ºEP realizaron unha ruta literaria seguindo as pegadas de Rosalía de Castro na cidade. Visitaron algúns lugares vencellados a nosa poeta universal: o seu lugar de nacemento no emprazamento que hoxe ocupa a Praza de Vigo; o Hostal dos Reis Católicos onde foi bautizada; unha das súas residencias no casco antigo, xunto á Praza da Universidade e San Domingos de Bonaval, lugar onde descansan os seus restos. Nalgún destes emprazamentos realizaron a lectura dalgún dos seus poemas.

No monumento a Rosalía na Alameda participaron, xunto a outros alumnos de colexios de Escolas Católicas da cidade, na homenaxe á nosa lingua. Tras un recordatorio aos ilustres galegos coma Asorey, Castelao, Antonio Fraguas, Alfredo Brañas e a propia Rosalía de Castro escoitaron a regueifeira Lupe Blanco, que fixo unha demostración fantástica das súas habilidades na improvisación e logrou que pasaran unha mañá estupenda, poñendo a todos a bailar!

DÍA DE ROSALÍA

 CLUNY celebra o día de ROSALIA

Tras o descubrimento o ano pasado de nova documentación que situaba o nacemento da poetisa o 23 de febreiro de 1837, e non no 24 de febreiro, o pasado venres conmemoramos o 186 aniversario do nacemento de Rosalía de Castro, e alá fomos as Escolas Católicas de Santiago (Cía. de María, La Salle, Casa do neno, San Jorge, Inmaculada, Juventud, Divino Maestro, Remedios e San José de Cluny) ao monumento adicado á santiaguesa universal sito na Alameda.

E que mellor maneira de celebralo que lendo algúns dos seus poemas máis sobranceiros?

Nós seleccionamos neste caso "Eu cantar, cantei" e "Como chove miudiño" e os alumnos escollidos de xeito unánime polos seus propios compañeiros foron Isabella en 5ºB e Olalla da clase de 5º A. 

Non contabamos cos contratempos atmosféricos que nos obrigaron a volver antes de

tempo, e que suspenderon outros actos nos que tamén ían tomar parte os alumnos de 6º de EP, de maneira que tocou adaptarse ás circunstancias e facer a lectura definitiva no cole, gozando do traballo preparativo que levaran a cabo ambas alumnas.

 O caso foi lembrar a súa figura, e para iso... calquera lugar é axeitado!!!

O alumnado de Educación Infantil tamén homenaxeou a Rosalía de Castro.  Coñeceron a súa vida, leron poesías e descubriron cancións coa letra dos seus poemas. Despois  déronlle cor a súa faciana para decorar o corredor.

O alumnado de 4º EP realizou a súa homenaxe a Rosalía de Castro na praza de VIgo. Un ano máis a  asociación de veciños do Ensanche invitou aos centros escolares da zona para conmemorar a data de nacemento da veciña máis ilustre no lugar do seu nacemento. Despois da intervención dos alumnos de 5ºEP do colexio Quiroga Palacios foi a quenda de Cluny que recitou varias estrofas do poema como chove miudiño e cantou o estribillo.

DÍA DE ROSALÍA

 HOMENAXE A ROSALÍA DE CASTRO

Un ano máis participamos na Homenaxe a Rosalía. Esta foi a nosa aportación:

Fai 185 anos este lugar onde nos atopamos denominábase O Camiño Novo no Agro da Barreira, daquela pertencente ao Concello de Conxo.

Xusto neste mesmo sitio había unha casa na que tal día coma hoxe nacía unha nena.

Esa nena foi bautizada na Capela do Hospital Real, actualmente Hostal dos reis Católicos, cos nomes de María Rosalía Rita de Castro.

Rosalía converteuse, co tempo, nunha grande das nosas letras, unha muller con conciencia galega que escribiu sobre as súas vivencias, sentimentos e lembranzas da súa terra, en especial da súa cidade natal.

Hoxe dámoslle voz a 3 poemas do seu libro “Follas Novas” que recollen ese recordo.

EN CORNES

 Cornes era unha aldea do concello de Conxo ao final dos Agros da Barreira onde edificaron a estación do tren coa 1ª liña de ferrocarril de Galicia entre Cornes e Carril. Tamén era o paso cara o bosque de Conxo, lugar de lecer para os composteláns onde moitas veces foi pasear Rosalía coas súas amizades.

En Cornes

NA CATEDRAL

A Catedral de Santiago está moi presente nos textos de Rosalía. Nesta selección de estrofas do poema Na Catedral, que recolle Follas Novas, Rosalía fai un retrato do interior da basílica e comparte con nós a súa devoción pola Virxe da Soidade a quen rezaba na Capela da Corticela.

Na catedral

ADIOS!

Podería dicirse que a maior parte da vida de Rosalía transcorre en Santiago. As súas ausencias da vila (Madrid, Simancas, A Coruña ...) se deben aos cambios de traballo do seu home, Manuel Murguía. As despedidas son moi emocionantes e mostran a morriña da autora pola súa terra. O poema Adios recollido en Follas Novas é unha entrañable despedida.

ADIOS!

CLUNY HOMENAXEA A ROSALÍA DE CASTRO

 O colexio Cluny  homenaxea a súa ilustre veciña.

Os máis cativos descubren a súa  figura e obra.

Recitamos poesías 

                                                                               

                                                                       

          Ángela Tubío Paulino (6º B)

ADIÓS RÍOS, ADIÓS FONTES

Lara Villaverde Díaz (6ºA)

ARIÑOS, AIRIÑOS AIRES

Martina Freire Ponte (5º B)

A XUSTIZA POLA MAN

Jairo Martínez Romero (5ºA)

NASÍN CANDO AS PRANTAS NASEN

Laura Balo Fernández (4ºA)

UNHA VEZ TIVEN UN CRAVO

Mario da Costa Castromán (4º B)

CASTELLANOS DE CASTILLA

Olalla Rodríguez Cacheda (3ºB)

CAMPANAS DE BASTABALES

Miguel Herrador Lorenzo (3ºA)

NEGRA SOMBRA

O alumnado de 4º e 6º realiza caligramas