CLUB DE LECTURA "LECTORES S. A."

ENCONTRO CON DIANA REY

Os participantes do club de lectura "Lectores S. A." tiveron a oportunidade de coñecer á autora da proposta de lectura do mes de maio: India y el descubrimiento de los minders.

Conversaron sobre a súa inspiración á hora de escribir o libro, as curiosidades da súa creación e pedíronlle que axilizara a escritura da segunda parte da historia.

RETO LECTOR

 Dedicamos o mes de maio á lectura do cómic. Un xénero que cada día suma máis siareiros. Achégate á biblioteca e todas as personaxes que se agochan nesa sección.

Esperamos a túa aportación nos comentarios.

RETO LECTOR

 ABRIL, O MES MÁIS MISTERIOSO

No mes de abril celebramos O Día do Libro e neste curso propoñemos que descubras as lecturas máis misteriosas. Na nosa biblioteca agóchanse os mellores investigadores. 

Atrévete a coñecelos.

Esperamos as túas recensións nos comentarios. 

CLUB LECTURA "LECTORES S.A."

 

DÍA DO CÓMIC E O TEBEO 2025

O club de lectura Lectores S.A. composto por alumnado de 5º e 6º de primaria elaborou o cartel do día do cómic e do tebeo para a biblioteca. Axudados de moitos protagonistas do cómic ao longo da historia convidan a todos a celebrar esta festa do cómic.

                                      

E como non podía ser doutra maneira, o club propuxo como lectura dous cómics que tiveron moi boa acollida e gustaron moito aos participantes.

Hoxe, 17 de marzo celebramos a III edición do día do Cómic e do Tebeo en España. Data  elixida polo Goberno de España recordando a primeira publicación da mítica revista de historietas TBO pioneira do xénero no noso país.

Animádevos a celebrar esta xornada. Visitade a sección Cómic da nosa biblioteca de descubride as novidades que acubilla e lede cómic!!

RETO LECTOR

 Marzo, mes do teatro.

Atrévete e descobre que divertido é ler teatro. 

Conta qué libro elixiches e comparte a túa opinión nos comentarios.

RETO LECTOR

 FEBREIRO, MES DA LINGUA GALEGA

A pioneira literaria da nosa lingua, Rosalía de Castro, naceu no mes de febreiro. 

Este ano dedicamos o noso reto deste mes á lectura en lingua galega. 

                                                

Seguindo a estela de Rosalía, moitas mulleres hoxe,  nos ofrecen interesantes lecturas. 

Descubre as súas obras e comparte a túa opinión nos comentarios.

RETO LECTOR

Xaneiro, mes da poesía

 No mes de xaneiro pon os pés no braseiro....e un libro de poemas na man

Ao calor do lume ou baixo unha manta no sofá mirando como chove, neva ou ventea detrás dos cristais da fiestra, déixate acompañar polos versos de calquera destes poetas. 

Tamén podes recomendar ti outro/a poeta. 

Agardamos polas túas recomendacións nos comentarios. 

RETO LECTOR

 Decembro: mes dos clásicos literarios.

Descubre os clásicos literarios xuvenís, autores, siluetas, logos....

Investiga e elixe o que máis se adapte ao teu gusto lector. 

Cantos coñeces? Poderías ampliar a lista?

Comparte o teu clásico favorito nos comentarios...

RETO LECTOR

 NOVEMBRO, MES DA CIENCIA

Os nenos sodes curiosos por natureza e a ciencia alimenta esa curiosidade.  Seguro que na biblioteca atopas algún libro que sexa interesante.

 Ciencia e tecnoloxía, o sistema solar, iniciación á física,  o corpo humano, as matemáticas...

 

¿Gústache experimentar? Tamén atoparás  libros con actividades sinxelas  pero fascinantes.

Acepta o reto deste mes e deixa nos comentarios a túa recomendación.