SEMANA DA PRENSA

                                               

Na Semana da Prensa, o alumnado e profesorado de Infantil, en colaboración coas familias, realizaron “ O noso propio NOTICIARIO“ con artigos moi interesantes.

Ademais, descubriron e manipularon as seccións de varios xornais para coñecer mellor este medio de comunicación.

Tamén realizaron actividades plásticas, nas que os xornais foron unha parte fundamental nas súas creacións.

Foi unha semana moi creativa e divertida! 

                                            

ANIMACIÓN LECTORA E. INFANTIL

AS VISITAS DOS MÁIS PEQUES Á BIBLIOTECA

                                        

O alumnado máis cativo do centro comezou neste mes de xaneiro as súas as sesións de animación lectora que lle ofrece a biblioteca do centro.

Durante o segundo e terceiro trimestre, en sesións quincenais, os máis pequenos do cole poderán descubrir todos os tesouros que agocha o recuncho infantil da biblioteca. 

Unha chea de personaxes agardan por eles escondidos polos andeis da librería. Poderán escoitar as súas historias ou atopalos abrindo as páxinas dos contos.

Unha magnífica oportunidade para mergullarse no marabilloso mundo da lectura e convertirse en grandes lectores.

ANIMACIÓN LECTORA

 Os máis peques visitan a Biblioteca.

Dende xaneiro os alumnos de Educación Infantil visitaron con regularidade a Biblioteca e  descubriron moitas historias, contos, xogos e diversión. 

Esperamos a súa visita no próximo curso. 

SEMANA DA LECTURA 2023. Ed. Infantil

 

SEMANA DE CONTACONTOS

Os máis pequenos recibiron uns contacontos moi especiais, algúns avós,  avoas e familiares animáronse  a contar contos e historias, sendo escoitados,  moi atentos por todos os nenos e nenas, que gozaron moito de ter aos seus familiares como protagonistas da actividade.

Tamén o alumnado de todo o ciclo fixo un marcapáxinas,  ben nas aulas ou ben no patio do colexio, aproveitando o bo tempo.

     

As clases de 4º de infantil recibiron a visita dos seus compañeiros e compañeiras de 1º de Primaria, que foron  lerlles contos, que ben o pasaron todos!!.

                                   
                                        

Semana da prensa

INFANTIL CELEBRA A SEMANA DA PRENSA

O alumnado de 3 anos, seleccionou noticias dos xornais que manipularon e  pegáronos nunha cartolina, simulando unha propia noticia. 

O alumnado de 5º de Infantil, despois de charlar e observar sobre diferentes noticias, realizou un debuxo representando a noticia, fixollle  un marco áo redor con papeis de xornais e o converteu  nun mural final para colocar no seu corredor. 

Os nenos e nenas de 6° de infantil confeccionaron un xornal coas noticias máis relevantes destes días. Foi unha actividade tan interesante que ademais de consensuar entre todos os titulares das noticias, contén diferentes aromas nas súas páxinas.