Na Semana da Prensa, o alumnado e profesorado de Infantil, en colaboración coas familias, realizaron “ O noso propio NOTICIARIO“ con artigos moi interesantes.
Tamén realizaron actividades plásticas, nas que os xornais foron unha parte fundamental nas súas creacións.
Foi unha semana moi creativa e divertida!
Na "semana da prensa” os alumnos de 2º ciclo de
Educación Primaria estiveron traballando nas clases cos xornais impresos pero
tamén coa prensa dixital. Para elo, fixeron actividades nas que aprenderon un montón
de cousas: coñeceron as diferentes partes dun xornal, as súas seccións, as
principais diferenzas entre un xornal dixital e un en papel, localizaron as
partes dunha noticia, crearon as súas propias, inventaron titulares divertidos,
titulares que lles gustarían que foran reais e incluso tiveron tempo para
atopar dentro dunha noticia diferentes verbos, substantivos, adxectivos
... Puideron gozar dunha semana repleta
de actividades educativas, lúdicas e, sobre todo, moi divertidas.
Dende o 8 ao 12 de marzo, co gallo da celebración da Semana da Prensa,
os nenos de 1º e 2º EP estiveron inmersos nun proxecto no que construíron os
seus propios xornais.
Realizaron un excelente traballo xornalístico e de investigación participando nunha actividade diferente e divertida. A través dela aprenderon moito porque asignaron cada sección do xornal a cada unha das materias escolares: deportes, pasatempos musicais, healthy habits, o tempo, entrevista etc.
Coincidindo nas datas de elaboración co 8 de marzo, Día Internacional da
Muller, destinaron a entrevista a coñecer á directora do centro, María
Lavandeira, que lles contou a súa
experiencia e resolveu as preguntas máis curiosas dos pequenos xornalistas. Aprenderon
que todos podemos acadar o que nos propoñamos, que só fai falta esforzo e
constancia.
POEMAS-COLLAGE NA SEMANA DA PRENSA
